Astapadi Saptamah Sarga

॥ सप्तमः सर्गः ॥

॥ नागरनारायणः ॥

॥ Nāgaranārāyaṇaḥ ॥

अत्रान्तरे च कुलटाकुलवर्त्मपात-

संजातपातक इव स्फुटलाञ्छनश्रीः ।

वृन्दावनान्तरमदीपयदंशुजालै-

र्दिक्सुन्दरीवदनचन्दनबिन्दुरिन्दुः ॥ ४५॥

Atrāntare cha kulatākulavartmapāta-

Saṁjātapātaka iva sphuṭalāñchanashrīḥ ।

Vṛndāvanāntaramadīpayadaṁśujālai-

Rdiksuṇdarīvadana-chandanabindurinduḥ ॥ ४५॥

प्रसरति शशधरबिम्बे विहितविलम्बे च माधवे विधुरा ।

विरचितविविधविलापं सा परितापं चकारोच्चैः ॥ ४६॥

Prasarati śaśadharabimbe vihitavilambe cha mādhave vidhurā ।

Virachitavividhavilāpaṁ sā paritāpaṁ chakāroccaiḥ ॥ ४६॥