Astapadi Trutiya Sarga

॥ तृतीयः सर्गः ॥

॥ मुग्धमधुसूदनः ॥

॥ Mugdhamadhusūdanaḥ ॥

कंसारिरपि संसारवासनाबन्धश‍ृङ्खलाम् ।

राधामाधाय हृदये तत्याज व्रजसुन्दरीः ॥ १९॥

Kaṁsārirapi sansāravāsanābandhaśṛṅkhalām ।

Rādhāmādhāya hṛdaye tatyāja vrajasundarīḥ || 19 ||

इतस्ततस्तामनुसृत्य राधिका-

मनङ्गबाणव्रणखिन्नमानसः ।

कृतानुतापः स कलिन्दनन्दिनी-

तटान्तकुञ्जे निषसाद माधवः ॥ २०॥

Itastatastāmanusṛtya rādhikā-

man̐gabāṇavraṇakhinnamānasaḥ ।

Kṛtānutāpaḥ sa kalinandaninī-

taṭāntakuñje niṣasāda mādhavaḥ || 20 ||